انواع الشباب على النت ( من غير ضرب ) لوول

انواع الشباب على النت ( من غير ضرب ) لوول

النوع الاول



اللي يدوبك لسه متعلم يدخل نت
بيبقى العمر يتراوح من 22 الى ما فوق ... وتلاقيه اول ما يدخل
هاي
ممكن نتعرف انا فلان ومن الحته الفلانيه
وتحسي ان فيه حنفيه
معلومات اتفتحت
واي حاجة تقوليهاله يقولك يعني ايه
مش فاهم وبعد كل كلمة يقولك
اصل انا لسه جديد في النت
والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2-يا اما سمع من صحابه عن النت والبنات وجاي يجرب
حظه


النوع الثانى


اللي بيقعد على النت بس مش كتير
النوع ده كل كلامه
انا مشغولياتي كتير ومبحبش النت والكلام ده
وبعد ما يتكلم شوية يقولك
ممكن نكمل كلام في التليفون انا اصلي مبدخلش
النت كتير
ومليش خلق للكتابة والحاجات دي
والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي
بلوك



النوع الثالث


اللي قاعد على النت ليل نهار
ده بقى شرحه يطول وينقسم لعدة
انواع


1- المقموص
ده بقى قاعد وحاطط ايده على زرار الزعل
اي حاجة تقوليها تبقي
بتقصديه او بتقللي من شانه
وبعد كام مرة كلام ممكن يقولك اديني
نمرة تليفونك
ولما تعتذري هيقولك انا هحترم رغبتك وهيركبلك الوش الخشب
ومن وقت للتاني هتاخدي البلوك ف وشك فنصيحه من اولها كده
اديله بلوك وديليت



2- ابو دم خفيف
ده شلل مركز ومتعرفيش
مين اللي خدعه وقاله ان دمه خفيف
وكل كلامه قفشات وضحك
والمفروض انك تكوني مجامله
وتضحكي بس منصحكيش تيجي
على
اعصابك




3- المودي
دي بقة شخصية بتتنوع كل يوم
على حسب المود
وهتحسي انك بتكلمي واحد
عنده انفصام ف الشخصية النهاردة
رزين وعاقل وبكرة لاسع وبعد
يومين رخم
وبعدها كيوت وفريندلي
طبعا الحكايه مش ناقصة جنان كفايه اللي
الواحد فيه


4- اللزقه
والنوع ده عايز حزم ف التعامل معاه
لأن كل كلامه انتي فين ؟
بتتاخري في الرد ليه؟
انتي بتكلمي حد ؟؟
ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ...
ايه ده انتي لسه مجيتيش ؟؟؟


5- الناصح
صباح الصداع
مع كل جمله هتقوليها هتاخدي نصيحة وفيه عرض خاص
قولي
جملتين وخدي اربع نصايح
العرض مستمر حتى نفاذ الكمية
انا انصحك انك تخليه يحصل
اخواته
الي فاتوا يعني بلوك وديليت


6- الحبيب
اللى يقولك
انا فيا جاذبية وكل البنات بتعجب بيا ....... ايام ما كنت فى الكليه
كنت عامل ازمه والبنات بتتخانق عليا......
المصيبة بقى ان اي
جمله
هتقوليها هيفهم ان انتي
معجبه اصله مش بمزاجك هتحبيه يعني
هتحبيه .. هههههههههه


7- حريقة بنات
ده بقى لو في منتدى او ميل جروب
تلاقيه مركز على كل البنات
ومبيعملش اي حاجة تانية غير كده
الكوميدي بقى لما يتلخبط ويعتقد
ان الأسم ده انثوي
ويندمج وبعدين يطلع واحد صاحبه



8- الكداب
من اول الأسم والسن
واي معلومة خدتيها كدب في كدب ومتعرفيش ليه
ده
بقى
انصحيه وخليه يغير اسمه على الماسنجر
ويخليه الكداب .......


9- العبيط
ده هتلاقيه على طول حاطط صورته
وذنب عليكي تتفرجي ويشيل الصورة دي
يحط التانية وكل شوية يفتح الكاميرا مع نفسه


10- بابا اوبح
ده ممكن يكون على النت من سنة 96
واتخرج واشتغل واتجوز وجاب
عيال
ولسه قاعد يتعرف على بنات وكل ما يكلم واحدة يقنعها انه مش
متجوز
وبيدور على عروسة وصباح السرحان
ولو جربتي كل يوم تدخليله
بايميل
غير التاني هتسمعي قصة حياته
كل يوم مختلفة .......... ههههههههه مراهقة متأخرة


النوع الاخير


وده احسن نوع ينفع تكلميه على النت
هو المحترم اللى عارف حدوده ومبيتدخلش
فى اللى مالهوش فيه
وبيبقى دمه خفيف علشان ماتزهقيش منه
وبيحب يعمل اصدقاء كتير على النت
وتلاقيه جد ومابيحبش الكدب
بس بيحب يهزر بس بأدب
وتستريحيلو وانتى بتتكلمى معاه

قبل ما حد يتهور عليا

اكيد النوع الاخير ده مش شباب منتدى عصابه جدعان
( بضحك ماعكو اكيد شباب المنتدى هما النوع الأخير)

اى خدعه
قصدي
اي خدمه

ههههههههههههههههههههههههه
حلوه
بس دي معلومات خطأ

MR.MaHrAn كتب:

ههههههههههههههههههههههههه
حلوه
بس دي معلومات خطأ

هههههههههههههههههههههههههههه

لالالالا معلومات صح جدااااااااااااااااااااااااااااااااااا

وتسلم ايدك يا قمر ع الموضوع

ميرسى على مروركم ويارب يكون الموضوع عجبكم

لالا مش كله صح بس صح وخلاص

لا علي فكرة كله صح وصح اوي وجدا كمان

ههههههههههههههههههههههه ايوة صــــــح